2021 ഒക്ടോബർ 1 മുതൽ 2022 മാർച്ച് 31 വരെ യു.എ.ഇ യിലെ ദുബായിൽ സംഘടിപ്പിച്ച ‘വേൾഡ് എക്സ്പോ 2020’-ൽ കേന്ദ്ര വാണിജ്യ വ്യവസായ മന്ത്രാലയം ഇന്ത്യ പവലിയൻ ഒരുക്കിയിരുന്നു. പ്രസ്തുത പവലിയനിൽ കേരളത്തിൽ നിന്നുള്ള പങ്കാളിത്തവും ഉണ്ടായിരുന്നു. 2022 ഫെബ്രുവരി 4 മുതൽ 10 വരെ നടന്ന ‘കേരളവാരം’  ബഹു. കേരള മുഖ്യമന്ത്രി, യു.എ.ഇ ക്യാബിനറ്റ് മന്ത്രിയും ‘വേൾഡ് എക്സ്പോ 2020’ കമ്മീഷണർ ജനറലുമായ ശ്രീ ഷെയ്ഖ് നഹ്യാൻ ബിൻ മുബാറക് അൽ നഹ്യാന്റെ സാന്നിധ്യത്തിൽ ഉദ്‌ഘാടനം  നിർവഹിച്ചു.

കേരള സർക്കാർ നടപ്പിലാക്കുന്ന 12 മേഖലകളിൽ നിന്നുള്ള വൻകിട പദ്ധതികളുടെ വിവരങ്ങൾ 12 ഡിജിറ്റൽ സ്‌ക്രീനുകളിലായി പ്രദർശിപ്പിച്ചിരുന്നു. കൂടാതെ എക്സ്പോയുടെ ഭാഗമായി നിക്ഷേപ സംഗമവും സംഘടിപ്പിച്ചിരുന്നു.

കേരള സർക്കാരിന്റെ വിവിധ വൻകിട പദ്ധതികൾ, ഈസ് ഓഫ് ഡുയിങ് ബിസിനസ്, വ്യവസായ വകുപ്പിന്റെ പുതിയ സംരംഭങ്ങൾ, മെഗാ പ്രൊജെക്ടുകൾ, നിക്ഷേപം, എം.എസ്.എം.ഇ ഫോക്കസ്, സ്റ്റാർട്ടപ്പുകൾ, ടൂറിസം സംരംഭങ്ങൾ, വൈദഗ്ധ്യം, നോർക്ക, ഒഡിഇപിസി, കെഎഎസ്ഇ എന്നിവയുമായി ബന്ധപ്പെട്ട വിവരങ്ങളുടെ വീഡിയോകൾ 12 ഡിജിറ്റൽ ഡിസ്പ്ലേ സ്‌ക്രീനുകളിലായി പ്രദർശിപ്പിച്ചതിൽ വ്യവസായവുമായി ബന്ധപ്പെട്ട് പ്രദർശിപ്പിച്ച വീഡിയോകൾ ചുവടെ ചേർത്തിരിയ്കുന്നു.